guru aṣṭakaṁ
of Adi Shankaracharya
शरीरं सुरूपं तथा वा कलत्रं यशश्चारु चित्रं धनं मेरुतुल्यम् । मनश्चेन्न लग्नं गुरोरङ्घ्रिपद्म ततः किं ततः किं ततः किं ततः किम् ॥ १॥ śarīraṁ surūpaṁ yathā vā kalathraṁ yaśaśchāru chitraṁ dhanaṁ merutulyam | manaścēnna lagnaṁ gurōraṅghri padmē tataḥ kiṁ tataḥ kiṁ tataḥ kiṁ tataḥ kiṁ || 1 || कलत्रं धनं पुत्रपौत्रादि सर्वं गृहं बान्धवाः सर्वमेतद्धि जातम् । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ २॥ kalatraṁ dhanaṁ putra pautrādi sarvaṁ gr̥haṁ bāndhavāḥ sarvamētaddhi jātam | manaścēnalagnaṁ gurōraṅghri padmē tataḥ kiṁ tataḥ kiṁ tataḥ kiṁ tataḥ kiṁ || 2 || षडङ्गादिवेदो मुखे शास्त्रविद्या कवित्वादि गद्यं सुपद्यं करोति । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ ३॥ ṣaḍaṅgādivēdō mukhē śāstravidyā kavitvādi gadyaṁ supadyaṁ karōti | manaścēnna lagnaṁ gurōraṅghri padmē tataḥ kiṁ tataḥ kiṁ tataḥ kiṁ tataḥ kiṁ || 3 || विदेशेषु मान्यः स्वदेशेषु धन्यः सदाचारवृत्तेषु मत्तो न चान्यः । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ ४॥ vidēśēṣu mānyaḥ svadēśēṣu dhanyaḥ sadācāravr̥ttēṣu mattō na cānyaḥ | manaścēnna lagnaṁ gurōraṅghri padmē tataḥ kim tataḥ kim tataḥ kim tataḥ kim || 4 || क्षमामण्डले भूपभूपालबृन्दैः सदा सेवितं यस्य पादारविन्दम् । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ ५॥ kṣamāmaṇḍalē bhūpabhūpālabr̥ndaiḥ sadā sēvitaṁ yasya pādāravindam . manaścēnna lagnaṁ gurōraṅghri padmē tataḥ kim tataḥ kim tataḥ kim tataḥ kim || 5 || यशो मे गतं दिक्षु दानप्रतापा- ज्जगद्वस्तु सर्वं करे यत्प्रसादात् । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ ६॥ yaśō mē gataṁ dikṣu dānapratāpā- jjagadvastu sarvaṁ karē yatprasādāt . manaścēnna lagnaṁ gurōraṅghri padmē tataḥ kim tataḥ kim tataḥ kim tataḥ kimA || 6 || न भोगे न योगे न वा वाजिराजौ न कान्तामुखे नैव वित्तेषु चित्तम् । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ ७॥ na bhōgē na yōgē na vā vājirājau na kāntā mukhē naiva vittēṣu chittam | manaścēnna lagnaṁ gurōraṅghri padmē tataḥ kim tataḥ kim tataḥ kim tataḥ kim || 7 || अरण्ये न वा स्वस्य गेहे न कार्ये न देहे मनो वर्तते मे त्वनर्घ्ये । मनश्चेन्न लग्नं गुरोरङ्घ्रिपद्मे ततः किं ततः किं ततः किं ततः किम् ॥ ८॥ aranye na vā svasya gehe na kārye na dēhē manō vartatē mē tvanarghyē | manaścēnna lagnaṁ gurōraṅghri padmē tataḥ kim tataḥ kim tataḥ kim tataḥ kim || 8 || गुरोरष्टकं यः पठेत्पुण्यदेही यतिर्भूपतिर्ब्रह्मचारी च गेही । लभेद्वाञ्छितार्थं पदं ब्रह्मसंज्ञं गुरोरुक्तवाक्ये मनो यस्य लग्नम् ॥ anarghyāni ratnāni muktāni samyak samālingita kāmini yāminiśu | manaścēnna lagnaṁ gurōraṅghri padmē tataḥ kim tataḥ kim tataḥ kim tataḥ kim ||