śrī gaṇapati atharva śīrṣōpaniṣat
transliteration
ōṁ bha̱draṁ karṇē̍bhiḥ śr̥ṇu̱yāma̍ dēvāḥ | bha̱draṁ pa̍śyēmā̱kṣabhi̱ryaja̍trāḥ | sthi̱rairaṅgai̎stuṣṭu̱vāgͫ sa̍sta̱nūbhi̍ḥ | vyaśē̍ma dē̱vahi̍ta̱ṁ yadāyu̍ḥ | ōṁ sva̱sti na̱ indrō̍ vr̥̱ddhaśra̍vāḥ | sva̱sti na̍ḥ pū̱ṣā vi̱śvavē̍dāḥ | sva̱sti na̱stārkṣyō̱ ari̍ṣṭanēmiḥ | sva̱sti nō̱ br̥ha̱spati̍rdadhātu || ōṁ śānti̱ḥ śānti̱ḥ śānti̍ḥ || ōṁ nama̍stē ga̱ṇapa̍tayē | tvamē̱va pra̱tyakṣa̱ṁ tattva̍masi | tvamē̱va kē̱vala̱ṁ kartā̍’si | tvamē̱va kē̱vala̱ṁ dhartā̍’si | tvamē̱va kē̱vala̱ṁ hartā̍’si | tvamēva sarvaṁ khalvida̍ṁ brahmā̱si | tvaṁ sākṣādātmā̍’si ni̱tyam || 1 || r̥̱taṁ va̍cmi | sa̱tyaṁ va̍cmi || 2 || ava̍ tva̱ṁ mām | ava̍ va̱ktāram̎ | ava̍ śrō̱tāram̎ | ava̍ dā̱tāram̎ | ava̍ dhā̱tāram̎ | avānūcānama̍va śi̱ṣyam | ava̍ pa̱ścāttā̎t | ava̍ pu̱rastā̎t | avōtta̱rāttā̎t | ava̍ dakṣi̱ṇāttā̎t | ava̍ cō̱rdhvāttā̎t | avādha̱rāttā̎t | sarvatō māṁ pāhi pāhi̍ sama̱ntāt || 3 || tvaṁ vāṅmayastva̍ṁ cinma̱yaḥ | tvamānandamayastva̍ṁ brahma̱mayaḥ | tvaṁ saccidānandādvi̍tīyō̱’si | tvaṁ pra̱tyakṣa̱ṁ brahmā̍si | tvaṁ jñānamayō vijñāna̍mayō̱’si || 4 || sarvaṁ jagadidaṁ tva̍ttō jā̱yatē | sarvaṁ jagadidaṁ tva̍ttasti̱ṣṭhati | sarvaṁ jagadidaṁ tvayi la̍yamē̱ṣyati | sarvaṁ jagadidaṁ tvayi̍ pratyē̱ti | tvaṁ bhūmirāpō’nalō’ni̍lō na̱bhaḥ | tvaṁ catvāri vā̎kpadā̱ni || 5 || tvaṁ guṇatra̍yātī̱taḥ | tvaṁ avasthātra̍yātī̱taḥ | tvaṁ dēhatra̍yātī̱taḥ | tvaṁ kālatra̍yātī̱taḥ | tvaṁ mūlādhārasthitō̍’si ni̱tyam | tvaṁ śaktitra̍yātma̱kaḥ | tvāṁ yōginō dhyāya̍nti ni̱tyam | tvaṁ brahmā tvaṁ viṣṇustvaṁ rudrastvamindrastvamagnistvaṁ vāyustvaṁ sūryastvaṁ candramāstvaṁ brahma̱ bhūrbhu̍vaḥ sva̱rōm || 6 || ga̱ṇādi̎ṁ pūrva̍muccā̱rya̱ va̱rṇādi̎ṁstada̱nanta̍ram | anusvāraḥ pa̍rata̱raḥ | ardhēndu̍lasi̱tam | tārē̍ṇa r̥̱ddham | ētattava manu̍svarū̱pam | gakāraḥ pū̎rvarū̱pam | akārō madhya̍marū̱pam | anusvāraścā̎ntyarū̱pam | bindurutta̍rarū̱pam | nāda̍ḥ sandhā̱nam | sagͫhi̍tā sa̱ndhiḥ | saiṣā gaṇē̍śavi̱dyā | gaṇa̍ka r̥̱ṣiḥ | nicr̥dgāya̍trī cha̱ndaḥ | śrīmahāgaṇapati̍rdēva̱tā | ōṁ gaṁ gaṇapa̍tayē̱ nama̍ḥ || 7 || ē̱ka̱da̱ntāya̍ vi̱dmahē̍ vakratu̱ṇḍāya̍ dhīmahi | tannō̍ dantiḥ pracō̱dayā̎t || 8 || ē̱ka̱da̱ntaṁ ca̍turha̱sta̱ṁ pā̱śama̍ṅkuśa̱dhāri̍ṇam | rada̍ṁ ca̱ vara̍daṁ ha̱stai̱rbi̱bhrāṇa̍ṁ mūṣa̱kadhva̍jam | rakta̍ṁ la̱mbōda̍raṁ śū̱rpa̱ka̱rṇaka̍ṁ rakta̱vāsa̍sam | rakta̍ga̱ndhānu̍liptā̱ṅga̱ṁ ra̱ktapu̍ṣpaiḥ su̱pūji̍tam | bhaktā̍nu̱kampi̍naṁ dē̱va̱ṁ ja̱gatkā̍raṇa̱macyu̍tam | ā̱virbhū̱taṁ ca̍ sr̥̱ṣṭyā̱dau̱ pra̱kr̥tē̎ḥ puru̱ṣātpa̍ram | ēva̍ṁ dhyā̱yati̍ yō ni̱tya̱ṁ sa̱ yōgī̍ yōgi̱nāṁ va̍raḥ || 9 || namō vrātapatayē namō gaṇapatayē namaḥ pramathapatayē namastē’stu lambōdarāya ēkadantāya vighnavināśinē śivasutāya śrīvaradamū̎rtayē̱ nama̍ḥ || 10 || ētadatharvaśīrṣa̍ṁ yō’dhī̱tē | sa brahmabhūyā̍ya ka̱lpatē | sa sarvavighnai̎rna bā̱dhyatē | sa sarvataḥ sukha̍mēdha̱tē | sa pañcamahāpāpā̎t pramu̱cyatē | sā̱yama̍dhīyā̱nō̱ di̱vasa̍kr̥taṁ pā̱paṁ nā̍śayati | prā̱tara̍dhīyā̱nō̱ rātri̍kr̥taṁ pā̱paṁ nā̍śayati | sā̱yaṁ prā̱taḥ pra̍yuñjā̱na̱ḥ pā̱pō’pā̍pō bha̱vati | arvatrādhīyānō’pavi̍ghnō bha̱vati | harmārthakāmamōkṣa̍ṁ ca vi̱ndati | idamatharvaśīrṣamaśiṣyāya̍ na dē̱yam | yō yadi mōhā̎d dāsya̱ti | a pāpī̍yān bha̱vati | sahasrāvartanādyaṁ yaṁ kāma̍madhī̱tē | aṁ tamanē̍na sā̱dhayēt || 11 || anēna gaṇapatimabhi̍ṣiñca̱ti | a vā̎gmī bha̱vati | caturthyāmana̍śnan ja̱pati | sa vidyā̍vān bha̱vati | ityatharva̍ṇavā̱kyam | rahmādyācara̍ṇaṁ vi̱dyānna bibhēti kadā̍canē̱ti || 12 || yō dūrvāṅku̍rairya̱jati | sa vaiśravaṇōpa̍mō bha̱vati | ō lā̍jairya̱jati | sa yaśō̍vān bha̱vati | sa mēdhā̍vān bha̱vati | yō mōdakasahasrē̍ṇa ya̱jati | sa vāñchitaphalama̍vāpnō̱ti | yaḥ sājya sami̍dbhirya̱jati | sa sarvaṁ labhatē sa sa̍rvaṁ la̱bhatē || 13 || aṣṭau brāhmaṇān samyag grā̍hayi̱tvā | sūryavarca̍svī bha̱vati | sū̱rya̱gra̱hē ma̍hāna̱dyā̱ṁ pra̱timāsannidhau̍ vā ja̱ptvā | siddhama̍ntrō bha̱vati | ma̱hā̱vi̱ghnā̎t pramu̱cyatē | ma̱hā̱dō̱ṣā̎t pramu̱cyatē | ma̱hā̱pā̱pā̎t pramu̱cyatē | ma̱hā̱pra̱tyavāyā̎t pramu̱cyatē | sa sarvavidbhavati sa sarva̍vidbha̱vati | ya ē̱vaṁ vēda̍ | ityu̍pa̱niṣa̍t || 14 || ōṁ śānti̱ḥ śānti̱ḥ śānti̍ḥ || ōṁ bha̱draṁ karṇē̍bhiḥ śr̥ṇu̱yāma̍ dēvāḥ | bha̱draṁ pa̍śyēmā̱kṣabhi̱ryaja̍trāḥ | sthi̱rairaṅgai̎stuṣṭu̱vāgͫ sa̍sta̱nūbhi̍ḥ | vyaśē̍ma dē̱vahi̍ta̱ṁ yadāyu̍ḥ | sva̱sti na̱ indrō̍ vr̥̱ddhaśra̍vāḥ | sva̱sti na̍ḥ pū̱ṣā vi̱śvavē̍dāḥ | sva̱sti na̱stārkṣyō̱ ari̍ṣṭanēmiḥ | sva̱sti nō̱ br̥ha̱spati̍rdadhātu || ōṁ śānti̱ḥ śānti̱ḥ śānti̍ḥ ||