शिव पञ्चाक्षर स्तोत्रम्

ॐ नमः शिवाय शिवाय नमः ॐ
ॐ नमः शिवाय शिवाय नमः ॐ

oṃ namaḥ śivāya śivāya namaḥ oṃ
oṃ namaḥ śivāya śivāya namaḥ oṃ

नागेन्द्रहाराय त्रिलोचनाय
भस्माङ्गरागाय महेश्वराय ।
नित्याय शुद्धाय दिगम्बराय
तस्मै "न" काराय नमः शिवाय ॥ १ ॥

nāgendrahārāya trilocanāya
bhasmāṅgarāgāya maheśvarāya |
nityāya śuddhāya digambarāya
tasmai "na" kārāya namaḥ śivāya || 1 ||

मन्दाकिनी सलिल चन्दन चर्चिताय
नन्दीश्वर प्रमथनाथ महेश्वराय ।
मन्दार मुख्य बहुपुष्प सुपूजिताय
तस्मै "म" काराय नमः शिवाय ॥ २ ॥

mandākinī salila candana carcitāya
nandīśvara pramathanātha maheśvarāya |
mandāra mukhya bahupuṣpa supūjitāya
tasmai "ma" kārāya namaḥ śivāya || 2 ||

शिवाय गौरी वदनाब्ज बृन्द
सूर्याय दक्षाध्वर नाशकाय ।
श्री नीलकण्ठाय वृषभध्वजाय
तस्मै "शि" काराय नमः शिवाय ॥ ३ ॥

śivāya gaurī vadanābja bṛnda
sūryāya dakṣādhvara nāśakāya |
śrī nīlakaṇṭhāya vṛṣabhadhvajāya
tasmai "śi" kārāya namaḥ śivāya || 3 ||

वशिष्ठ कुम्भोद्भव गौतमार्य
मुनीन्द्र देवार्चित शेखराय ।
चन्द्रार्क वैश्वानर लोचनाय
तस्मै "व" काराय नमः शिवाय ॥ ४ ॥

vaśiṣṭha kumbhodbhava gautamārya
munīndra devārcita śekharāya |
candrārka vaiśvānara locanāya
tasmai "va" kārāya namaḥ śivāya || 4 ||

यज्ञ स्वरूपाय जटाधराय
पिनाक हस्ताय सनातनाय ।
दिव्याय देवाय दिगम्बराय
तस्मै "य" काराय नमः शिवाय ॥ ५ ॥

yajña svarūpāya jaṭādharāya
pināka hastāya sanātanāya |
divyāya devāya digambarāya
tasmai "ya" kārāya namaḥ śivāya || 5 ||