Srī Bhagavad Gītā Sāraḥ
रुरी
भाग्वद
गीता
सारः
The Song Celestial
4th ed 1951, Sri Ramanasramam 1st ed 2010, Sw Shantananda Puri
Bhagavad Gita Sara: Verses Selected and Arranged by Sri Ramana Maharshi
Bhagavad Gita Sara: Verses Selected and Arranged by Sri Ramana Maharshi
mangala stotra
- taṁ tathā kr̥payāviṣṭamaśrupūrṇākulēkṣaṇam |
viṣīdantamidaṁ vākyamuvāca madhusūdanaḥ || 1 || [ 2-1 ] - idaṁ śarīraṁ kauntēya kṣētramityabhidhīyatē |
ētadyō vētti taṁ prāhuḥ kṣētrajña iti tadvidaḥ || 2 || [ 13-1 ] - kṣētrajñaṁ cāpi māṁ viddhi sarvakṣētrēṣu bhārata
kṣētrakṣētrajñayōrjñānaṁ yattajjñānaṁ mataṁ mama || 3 || [ 13-2 ] - ahamātmā guḍākēśa sarvabhūtāśayasthitaḥ |
ahamādiśca madhyaṁ ca bhūtānāmanta ēva ca || 4 || [ 10-20 ] - jātasya hi dhruvō mr̥tyurdhruvaṁ janma mr̥tasya ca |
tasmādaparihāryē’rthē na tvaṁ śōcitumarhasi || 5 || [ 2-27 ] - na jāyatē mriyatē vā kadācin nāyaṁ bhūtvā bhavitā vā na bhūyaḥ |
ajō nityaḥ śāśvatō’yaṁ purāṇō na hanyatē hanyamānē śarīrē || 6 || [ 2-20 ] - acchēdyo'yamadāhyōyam, akledyōśosya eva ca |
nityaḥ sarvagataḥ sthāṇuḥ, acalōyaṁ sanātanaḥ || 7 || [ 2-24 ] - avināśi tu tadviddhi yēna sarvamidaṁ tatam |
vināśamavyayasyāsya na kaścitkartumarhati || 8 || [ 2-17 ] - nāsatō vidyatē bhāvah nābhāvō vidyatē sataḥ |
ubhayōrapi dr̥ṣṭō’ntaha tvanayōstattvadarśibhiḥ || 9 || [ 2-16 ] - yathā sarvagataṁ saukṣmyāt ākāśaṁ nōpalipyatē |
sarvatrāvasthitō dēhē tathātmā nōpalipyatē || 10 || [ 13-32 ] - na tadbhāsayatē sūryaha na śaśāṅkō na pāvakaḥ |
yadgatvā na nivartantē taddhāma paramaṁ mama || 11 || [ 15-6 ] - avyaktō’kṣara ityuktastamāhuḥ paramāṁ gatim |
yaṁ prāpya na nivartantē taddhāma paramaṁ mama || 12 || [ 8-21 ] - nirmānamōhā jitasaṅgadōṣāha adhyātmanityā vinivr̥ttakāmāḥ |
dvandvairvimuktāḥ sukhaduḥkhasaṁjñaih gacchantyamūḍhāḥ padamavyayaṁ tat || 13 || [ 15-5 ] - yaḥ śāstravidhimutsr̥jya vartatē kāmakārataḥ |
na sa siddhimavāpnōti na sukhaṁ na parāṁ gatim || 14 || [ 16-23 ] - samaṁ sarvēṣu bhūtēṣu tiṣṭhantaṁ paramēśvaram |
vinaśyatsvavinaśyantaṁ yaḥ paśyati sa paśyati || 15 || [ 13-27 ] - bhaktyā tvananyayāha śakya ahamēvaṁvidhō’rjuna |
jñātuṁ draṣṭuṁ ca tattvēna pravēṣṭuṁ ca parantapa || 16 || [ 11-54 ] - sattvānurūpā sarvasya śraddhā bhavati bhārata |
śraddhāmayō’yaṁ puruṣah yō yacchraddhaḥ sa ēva saḥ || 17 || [ 17-3 ] - śraddhāvām̐llabhatē jñānaṁ tatparaḥ saṁyatēndriyaḥ |
jñānaṁ labdhvā parāṁ śāntimacirēṇādhigacchati || 18 || [ 4-39 ] - tēṣāṁ satatayuktānāṁ bhajatāṁ prītipūrvakam |
dadāmi buddhiyōgaṁ taṁ yēna māmupayānti tē || 19 || [ 10.10 ] - tēṣām evānukampārtham, ahamajñānajaṁ tamaḥ |
nāśayāmyātmabhāvasthaḥ, jñānadīpena bhāsvatā || 20 || [ 10-11 ] - jñānēna tu tadajñānaṁ yēṣāṁ nāśitamātmanaḥ |
tēṣāmādityavajjñānaṁ prakāśayati tatparam || 21 || [ 5-16 ] - indriyāṇi parāṇyāhurindriyēbhyaḥ paraṁ manaḥ |
manasastu parā buddhih yo buddhēḥ paratastu saḥ || 22 || [ 3-42 ] - ēvaṁ buddhēḥ paraṁ buddhvā saṁstabhyātmānamātmanā |
jahi śatruṁ mahābāhō kāmarūpaṁ durāsadam || 23 || [ 3-43 ] - yathaidhāṁsi samiddhō’gnih bhasmasātkurutē’rjuna |
jñānāgniḥ sarvakarmāṇi bhasmasātkurutē tathā || 24 || [ 4-37 ] - yasya sarvē samārambhāḥ kāmasaṅkalpavarjitāḥ |
jñānāgnidagdhakarmāṇaṁ tamāhuḥ paṇḍitaṁ budhāḥ || 25 || [ 4-19 ] - kāmakrōdhaviyuktānāṁ yatīnāṁ yatacētasām |
abhitō brahmanirvāṇaṁ vartatē viditātmanām || 26 || [ 5-26 ] - śanaiḥ śanairuparamēd buddhyā dhr̥tigr̥hītayā |
ātmasaṁsthaṁ manaḥ kr̥tvā na kiñcidapi cintayēt || 27 || [ 6-25 ] - yatō yatō niścarati manaścañcalamasthiram |
tatastatō niyamyaitat ātmanyēva vaśaṁ nayēt || 28 || [ 6-26 ] - yatēndriyamanōbuddhih munirmōkṣaparāyaṇaḥ |
vigatēcchābhayakrōdhō yaḥ sadā mukta ēva saḥ || 29 || [ 5-28 ] - sarvabhūtasthamātmānaṁ sarvabhūtāni cātmani |
īkṣatē yōgayuktātmā sarvatra samadarśanaḥ || 30 || [ 6-29 ] - ananyāścintayantō māṁ yē janāḥ paryupāsatē |
tēṣāṁ nityābhiyuktānāṁ yōgakṣēmaṁ vahāmyaham || 31 || [ 9-22 ] - tēṣāṁ jñānī nityayukta ēkabhaktirviśiṣyatē |
priyō hi jñāninō’tyartham ahaṁ sa ca mama priyaḥ || 32 || [ 7-17 ] - bahūnāṁ janmanāmantē jñānavānmāṁ prapadyatē |
vāsudēvaḥ sarvamiti sa mahātmā sudurlabhaḥ || 33 || [ 7-19 ] - prajahāti yadā kāmān sarvānpārtha manōgatān |
ātmanyēvātmanā tuṣṭaḥ sthitaprajñastadōcyatē || 34 || [ 2-55 ] - vihāya kāmānyaḥ sarvān pumāṁścarati niḥspr̥haḥ |
nirmamō nirahaṅkāraḥ sa śāntimadhigacchati|| 35 || [ 2-71 ] - yasmānnōdvijatē lōkō lōkānnōdvijatē ca yaḥ |
harṣāmarṣabhayōdvēgaih muktō yaḥ sa ca mē priyaḥ || 36 || [ 12-15 ] - mānāpamānayōstulyah tulyō mitrāripakṣayōḥ |
sarvārambhaparityāgī guṇātītaḥ sa ucyatē || 37 || [ 14-25 ] - yastvātmaratirēva syāt ātmatr̥ptaśca mānavaḥ |
ātmanyēva ca santuṣṭah tasya kāryaṁ na vidyatē || 38 || [ 3-17 ] - naiva tasya kr̥tēnārthō nākr̥tēnēha kaścana |
na cāsya sarvabhūtēṣu kaścidarthavyapāśrayaḥ || 39 || [ 3-18 ] - yadr̥cchālābhasantuṣṭah dvandvātītō vimatsaraḥ |
samaḥ siddhāvasiddhau ca kr̥tvāpi na nibadhyatē || 40 || [ 4-22 ] - īśvaraḥ sarvabhūtānāṁ hr̥ddēśē’rjuna tiṣṭhati |
bhrāmayansarvabhūtāni yantrārūḍhāni māyayā || 41 || [ 18-61 ] - tamēva śaraṇaṁ gaccha sarvabhāvēna bhārata |
tatprasādātparāṁ śāntiṁ sthānaṁ prāpsyasi śāśvatam || 42 || [ 18-62 ]