Martin

पृ॒थि॒वी शा॒न्ता साऽग्निना॑ शा॒न्ता सा मे॑ शा॒न्ता शुचꣳ॑ शमयतु ।
अ॒न्तरि॑क्षꣳ शा॒न्तं तद्वा॒युना॑ शा॒न्तं तन्मे॑ शा॒न्तꣳ शुचꣳ॑ शमयतु ।
द्यौः शा॒न्ता साऽऽदि॒त्येन॑ शा॒न्ता सा मे॑ शा॒न्ता शुचꣳ॑ शमयतु ।
पृ॒थि॒वी शान्ति॑र॒न्तरि॑क्ष॒ꣳ॒ शान्ति॒र्द्यौः शान्ति॒र्दिशः॒ शान्ति॑रवान्तरदि॒शाः
शान्ति॑र॒ग्निः शान्ति॑र्वा॒युः शान्ति॑रादि॒त्यः शान्ति॑श्च॒न्द्रमाः॒ शान्ति॒र्नक्ष॑त्राणि॒
शान्ति॒रापः॒ शान्ति॒रोष॑धयः॒ शान्ति॒र्वन॒स्पत॑यः॒ शान्ति॒र्गौः शान्ति॑र॒जा 
शान्ति॒रश्वः॒ शान्तिः॒ पुरु॑षः॒ शान्ति॒र्ब्रह्म॒ शान्ति॑र्ब्राह्म॒णः शान्तिः॒ शान्ति॑रे॒व
शान्तिः॒ शान्ति॑र्मे अस्तु॒ शान्तिः॑ । 
तया॒हꣳ शा॒न्त्या स॑र्वशा॒न्त्या मह्यं॑ द्वि॒पदे॒ चतु॑ष्पदे च॒ शान्तिं॑ करोमि॒ शान्ति॑र्मे अस्तु॒ शान्तिः॑ ।

ॐ शान्तिः॒ शान्तिः॒ शान्तिः॑ ||
 

pṛ̱thi̱vī śā̱ntā, sā'gninā̍ śā̱ntā, sā me̍ śā̱ntā, śucagṃ śamayatu |
a̱ntari̍kṣaṃ śā̱ntagṃ, tadvā̱yunā̍ śā̱ntaṃ, tanme̍ śā̱ntagṃ śucagṃ śamayatu |
dyauḥ śā̱ntā, sā''di̱tyena̍ śā̱ntā, sā me̍ śā̱ntā śucagṃ śamayatu |
pṛ̱thi̱vī śānti̍, a̱ntari̍kṣa̱gṃ śānti̱, dyauḥ śānti̱, diśa̱ḥ śānti̍, avāntaradi̱śāḥ śānti̍,
a̱gniḥ śānti̍, vā̱yuḥ śānti̍, ādi̱tyaḥ śānti̍, śca̱ndramā̱ḥ śānti̱, nakṣa̍trāṇi̱ śānti̱,
āpa̱ḥ śānti̱ oṣa̍dhaya̱ḥ śānti̱, vana̱spata̍ya̱ḥ śānti̱, gauḥ śānti̍, ra̱jā śānti̱,
aśva̱ḥ śānti̱ḥ, puru̍ṣa̱ḥ śānti̱, brahma̱ śānti̍, brāhma̱ṇaḥ śānti̱ḥ,
śānti̍re̱va śānti̱ḥ, śānti̍rme astu̱ śānti̍ḥ |
tayā̱hagṃ śā̱ntyā sa̍rvaśā̱ntyā mahya̍ṃ dvi̱pade̱ catu̍ṣpade ca̱ śānti̍ṃ
karomi̱ śānti̍rme astu̱ śānti̍ḥ

oṃ śānti̱ḥ śānti̱ḥ śānti̍ḥ ||