शिव षडक्षर स्तोत्रम्

ॐकारं बिंदुसंयुक्तं नित्यं ध्यायंति योगिनः ।
कामदं मोक्षदं चैव ॐकाराय नमो नमः ॥१॥

oṃkāraṃ biṃdusaṃyuktaṃ nityaṃ dhyāyaṃti yoginaḥ |
kāmadaṃ mokṣadaṃ caiva oṃkārāya namo namaḥ  || 1 ||

Salutations to the One who resides in the Heart as Omkara
who leads all to the fulfillment of desires and the attainment of salvation.

---

नमंति ऋषयो देवा नमन्त्यप्सरसां गणाः ।
नरा नमंति देवेशं नकाराय नमो नमः ॥२॥

namaṃti ṛṣayo devā namantyapsarasāṃ gaṇāḥ |
narā namaṃti deveśaṃ nakārāya namo namaḥ  || 2 ||

Salutations to the One, to whom Rishis, Devas, Apsaras and men bow down.

---

महादेवं महात्मानं महाध्यानं परायणम् ।
महापापहरं देवं मकाराय नमो नमः ॥३॥

mahādevaṃ mahātmānaṃ mahādhyānaṃ parāyaṇam |
mahāpāpaharaṃ devaṃ makārāya namo namaḥ  || 3 ||

Salutations to trhe Great One who is the final aim of all meditation

---

शिवं शांतं जगन्नाथं लोकानुग्रहकारकम् ।
शिवमेकपदं नित्यं शिकाराय नमो नमः ॥४॥

śivaṃ śāṃtaṃ jagannāthaṃ lokānugrahakārakam |
śivamekapadaṃ nityaṃ śikārāya namo namaḥ  || 4 ||

Salutations to Lord Siva, the Auspicious, who is the Abode of Peace
and who works for the welfare of the world.

---

वाहनं वृषभो यस्य वासुकिः कंठभूषणम् ।
वामे शक्तिधरं देवं वकाराय नमो नमः ॥५॥

vāhanaṃ vṛṣabho yasya vāsukiḥ kaṃṭhabhūṣaṇam |
vāme śaktidharaṃ devaṃ vakārāya namo namaḥ  || 5 ||

Salutations the God who holds Goddess Shakthi on his left,
who's mount is Nandi and wears the snake Vasuki on his neck

---

यत्र यत्र स्थितो देवः सर्वव्यापी महेश्वरः ।
यो गुरुः सर्वदेवानां यकाराय नमो नमः ॥६॥

yatra yatra sthito devaḥ sarvavyāpī maheśvaraḥ |
yo guruḥ sarvadevānāṃ yakārāya namo namaḥ  || 6 ||

Salutations to the omnipresent Guru of all the devas

---

षडक्षरमिदं स्तोत्रं यः पठेच्छिवसंनिधौ ।
शिवलोकमवाप्नोति शिवेन सह मोदते ॥७॥

ṣaḍakṣaramidaṃ stotraṃ yaḥ paṭhecchivasaṃnidhau |
śivalokamavāpnoti śivena saha modate  || 7 ||

Whoever recites this prayer of six letters, in front of the siva lingam,
reaches the world of Shiva and enjoys the eternal happiness of his company